Morocco-ah Palestinian mite thah duh lohna lantirin kawng zawh

Israel leh Gaza Strip ramri-a Palestinian nawrh huaihawt leh Israel sipaite inkara buaina chhuaka Palestinian mi tam tak kahhlum an nih duh lohna lantirin, Pathianni khan Morocco mite chuan an ram khawpui Rabat-ah kawng an zawh.

Kawngzawh hi Islamist leh left-wing party-te huaihawt niin tel an ṭhahnem hle a, Israel chu Palestinian ram a luahsaka mi tam tak thihna thlentuah an puh.

March 30 aṭang khan Palestinian mite chuan Gaza ramri-ah hian nawrh huaihawtin, kum 1948-a Israel-in an ram a luahsak aṭanga hnawhchhuah a nih hnuah, an ram dik tak hi pe kir leh turin an phut a ni. Morocco mite chuan Palestinian miten anmahni ram dik tak laklet tuma an beihna chu an thlawp zel dawn tih an sawi. Kawngzawhte hian US-in Tel Aviv aṭanga Jerusalem-a a embassy a sawn chu an dem thu an sawi bawk a, Jerusalem chu Palestinian khawpui a ni reng dawn niin an sawi a ni.