Paraguay-in Jerusalem-ah embassy hawng

US-in Israel-a a embassy chu Tel Aviv aṭangin Jerusalem-ah a sawn hnuah, Paraguay ram pawhin Jerusalem-ah embassy a hawng ve leh ta.

Thawhṭanni khan Paraguay President Horacio Cartes chuan Jerusalem-a embassy hi a hawng a, a hawnna inkhawmah hian Israel Prime Minister Benjamin Netanyahu pawh a tel. Paraguay hma hian Guatemala ram pawhin Jerusalem-ah hian a embassy a lo sawn tawh bawk a ni. Paraguay leh Guatemala embassy te hi Malha Technological Park-ah hawn an ni.

Romania, Czech Republic leh Honduras pawhin Jerusalem-a embassy sawn chungchang hi an ngaihtuah dawn tih an sawi.

US President Donald Trump chuan nikum December thla khan Israel khawpuia Jersualem a pawm thu leh, embassy pawh Tel Aviv aṭanga Jerusalem-a sawn anih tur thu a puang a ni. Hei hi Palestinian leh anmahni thlawptu ram hrang hrangte chuan an sawisel a, Palestinian te pawhin lungawi lohna an lantir nasa hle. Kar kalta

Thawhṭanni khan Jerusalem-a US embassy hi hawn a ni.

Palestinian-te chuan Israel-in a luahsak, East Jerusalem chu Palestine ram a din huna an khawpui tur a ni tih an sawi. Hetih lai hian Israel chuan Jerusalem chu hmasang aṭanga an ram khawpui a nih tawh thu leh, ṭhendarh theih a nih loh thu a sawi thung.