Sweden-in war pamphlet a sem chhuak

Sweden sorkar chuan Thawhṭanni khan an ram mipuite hnenah indo, leilung chhiatna leh cyber attack a thlen palh thuta lo inbuatsaih lawkna turin emergency pamphlet a sem.

Sorkarin pamphlet a semchhuah hi 'If Crisis or War Comes' tih a ni a, ṭawng chi 13-a siam niin phek 20-a chhah a ni. He pamphlet-ah hian tawmhim dan tur te, ei tur chhekkawl dan tur te, information rin tlak hriat theih dan turte an tarlang. May 28–June 3 inkar hian Sweden mi maktaduai 4.8 te hnenah he lehkha hi sem a ni ang.

Swedish Civil Contingencies Agency hotu Dan Eliasson chuan Sweden chu ram dang tam tak aiin him zawk mah se, inventhawn a ngai ve reng tho tih a sawi. Hei vang hian mipuite chuan lo inbuatsaih lawk dan tur an hriat a ngai a ni tiin he booklet hi an buatsaih thu a sawi. Hetiang lehkha an buatsaih hnuhnung ber chu kum 1061, Cold War lai kha a ni.

Sweden hi NATO member a ni lo a, mahse kum 1994-a NATO leh non-member ram sipaite thawhdunna tura Partnership for Peace din kha a zawm a ni.