US Vice President-in Kim Jong-un vaukhan

US Vice President Mike Pence chuan North Korea ram hotu Kim Jong-un chu June thlaa President Donald Trump nena meeting an neih hunah a duh anga a chhaih theih tura ngai lo turin a vaukhan.

Fox News-in a kawmnaah Mike Pence chuan hemi chungchang hi sawichhuakin, "Kim hian Donald Trump hi a duh anga a chhaih theih nia a ngai a nih chuan a tisual hle ang", a ti. Pence chuan Trump chu a lungawi lo a nih chuatn June 12-a summit neih tur a ṭhulh thut thei niin a sawi bawk.

North Korea hian US leh South Korea sipaiten South Korea rama nunchan an zirho avanga lungawi loin Trump-Kim meeting neih tur hi ṭhulhah alo vau tawh a ni. Mahse meeting ṭhulh a la ni lo a, meeting nei tur hian inbuatsaihna kalpui mek a ni.

Trump-Kim summit neih tur chungchang sawipui tur hian South Korea President Moon Jae-in pawhin nimin khan Washington DC-ah President Trump a hmu.