Italy president-in PM atan Giuseppe Conte a pawm

Italy President Sergio Mattarella chuan lawyer hriat hlawh vak lo, Giuseppe Conte chu prime minister atan Nilaini khan a pawm.

President hian Nilaini khan Conte hi hmuin, sorkar siam turin phalna a pe a ni. Conte hian far-right leh anti-establishment party ṭangrual sorkar a kaihruai dawn a, a cabinet minister turte pawh a ruat fel nghal thuai rin a ni. PM thar kaihhruai sorkara ministerial candidate-te hi President Mattarella-a’n a pawmpui hnuah sorkar thar hi lakluh a ni ang a, hemi hnu hian parliament-ah fiah a ni leh ang.

Kum 53 mi, Congte hi Florence leh Rome-a private law-a professor a ni a, elected MP a ni lo a, politics lamah erawh hriat a hlawh hle. PM atana rawt a nih hnuah hian a academic resume-a a tarlante chu a dinhmun tihṭhat tuma ziak dik tawk loa puh a ni zui a ni. KUm 2013-a CV-ah chuan New York University-a dan lam zir niin a inziak a, mahse he institution thupuangtu chuan he hmunah hian a zir tih record engmah a awm lo niin a sawi thung. Hei bakah hian a resume-ah hian kum 2001 khan Cambridge University-a Girton College-ah ‘scientific research’ a ti niin a sawi bawk a, mahse hei pawh hi univeristy thupuangtu chuan an nemnghet thei lo tih a sawi bawk.

Conte-a’n a CV-ah Vienna, Austria-a International Kultur Institute-ah legal lam a zir nia a sawi chu, a zirna-in hming spelling a tihdik loh bakah he school hi language school nia sawi a ni bawk a ni. Hei bakah hian chhiah pek loh leh sum chawi tur dollar 51,000 a nei nia sawi a awm bawk.