US-in Venezuela palai pahnih hnawhchhuak ve leh

Venezuela-in US-in an ram a hrekna duh lohna lantirna kawng khata an rama US palai awmte a hnawhchhuah hnuah, US pawhin Venezuela diplomat pahnihte chu darkar 48 chhunga US chhuahsan turin a hraittir ve nghal niin, Nilain khan State Department chuan a sawi.

State Department thupuangtu Heather Nauert chuan hemi chungchangah hian thuchhuah siamin, “Venezuela sorkarin US embassy-a Charge d’Affaires leh DeputyChief of Mission te chhan ṭha tak nei lo a hnawhchhuah chhan letnan, Venezuela embassy-a Charge d’Affaires leh Venezuelan Consulate-a Deputy Consul General chu ni hnih chhunga US chhuahsan tura hriattir an ni”, a ti. US hian Venuezela President Nicolas Maduro-an eptuten an boycott chunga president thlanna a buatsaih lui leh president atana thlan nawn a ni chu pawm loin, Venezuela ram hrekna hi a siam thar a ni.