The Salvation Army-in General thar nei

The Salvation Army International Headquarters, London chuan Ningani zan India sana-a dar 11.15 khan khawvel puma an hotu lu ber, General thar atana an thlanchhuah chu Brian Peddle a nih thu an tarlang. Commisioner Brian Peddle hi General 21-na tur a ni.

General thar hi High Council thlan chhuah niin High Council President Commisioner Birgitte Brekke-Clifton chuan General thar atan Brian Peddle thlan a nih thu hi a puangchhuak a ni.

General thar hian General ni lai Andre Cox hnen aṭangin August 3, zanlai aṭangin he mawhphurhna hi a la ang.

Commisioner Brian Peddle hi International Headquarters-a Chief of The Staff ni lai a ni a, Canada and Bermuda Territory chhuak niin, a session hming chu Companion of Christ (1975-1977) a ni. June 1977 khan Salvation Army officer atan nemngheh a ni. August 1978 khan Commisoner Rosalie Peddle nen inneiin fanu pahnih an nei.