North Korea-in nuclear test site tichhia

North Korea ram hotu Kim Jong-un an a lo tiam tawh angin Ningani khan NKorea chuan Punggye-ri-a nuclear test site a chu a tichhe ta.

NKorea-a Nuclear Weapons Institute chuan thuchhuah siamin, nuclear test site kharna inkhawm hi hmangin, test ground-a tunnel zawng zawngte chu bomb chhiat niin, guard facility leh observation post-te pawh tihchhiat vek a ni tih a sawi.

Nuclear test site tihchhiat vang hian radio-active material put emaw, a chhehvel leilunga nghawng ṭha lo thleng emaw a awm lo niin a tarlang bawk. Tunnel pathumte hi an ram huna tlai dar 4-ah tihchhiat an ni.

NKorea chuan nuclear test site a kharna hun hmang tur hian China, Russia, US, South Korea leh Britain-a journalist-te pawh a sawm a ni.

Punggye-ri nuclear test site aṭang hian NKorea chuan kum 2006 October leh September 2017 inkar khan ṭum ruk nuclear test a lo nei tawh a ni.