Malaysia PM hlui in dapnaah dollar mtd 28.5 man

Malaysia police-te chuan sorkar sum tam tham tak eirua puh, an ram prime minister hlui Najib Razak-a in hrang hrang an dapna aṭangin pawisa fai dollar maktaduai 28.6 leh handbag manto chi 400 chuang an man tih an sawi.

May 18 aṭang khan Malaysia police-te hian Najib-a leh a fate in hrang hrangte an dap a ni. Apartment ruak pakhat aṭangin pawisa hlang dahna bag 35 zet man a, heng pawisa te hi ram hrang hrang pawisa niin a tam ber chu Malaysia leh Singapore pawisa a ni. Commercial crime division hotu Amar Singh chuan an pawisa mante chu bank official-te nen a hlutzawng an chhut niin a sawi. Pawisa fai tam tham tak manna, Bukit Bintang-a Pavillion Residence-apartment ruak chu Najib-a te chhungkaw in a ni lo tih a sawi a, a in neitu hming erawh a puang duh lo.