Israel sipaiten Hamas ho hmun bei

Israel sipaite chuan Inrinni zanlai vel khan Gaza Strip chhim lama Islamic Hamas sipaite hmun pawimawh an bei.

Israel sipaite hian Rafah khuaa Hamas ho training-na hmun chu missile eng emaw zat hmangin an kap a, hei bakah hian Khan Younis khuaa Hamas ho hmun an kap tel bawk. Israel sipaite hian Inrinni chhuna Gaza Strip khawchhak lama Israel nena an inhungna bang tichhia a, Palestinian ṭhalai ṭhenkhat Israel rama a luh luih chhan letna atan Hamas ho hmun hi a bei let a ni.

Ramri hungna bang tichhia a, Israel rama lut Palestinian mite hian Israel sipai post an hal a, hemi hnu hian Gaza lamah an kir leh nghal a ni. Media report ṭhenkhat chuan Palestinian mite hian lehkhachaih leh balloon, fire bomb awmna chu Israel ram chhungah an thlawh luh tir a, leilet hmunah kangmei nasa tak a chhuah phah niin an tarlang.