Duterte-an president term zawh hnuah mayor chuh leh tum

Philippine President Rodrigo Duterte chuan kum 2022-a a president term a zawh hunah an khua, Davoa-ah mayor chuh leh a tum.

Duterte hi kum 2016-a Philippine president atana thlan tlin a nih hma khan kum 23 chhung chu Philippine chhim lama Davoa khaw mayor hi a lo ni tawh a ni.

Inrinni-a Davoa khuaa lei (bridge) hawnna inkhawma thu a sawiah, Duterte chuan a term zawh hnuah mayor a chuh leh mai theih tur hi a sawi a ni. Davao City mayor atan hian kum 1988 khan thlan niin, hemi hnu hian term ruk zet thlan nawn leh a ni. Tunah hian a fanu, Sara Duterte-Carpio chu Davao mayor a ni mek a ni.