Sri Lanka-a ruahsur leh thli tleh vangin mi 21 thi

Sri Lanka ramah kar katla chhung khan ruahsur nasa leh thli tlehin chhiatna a thlenah mi 21 an thi a, mi nuai khat chuangin harsatna an tawk mek a ni.

Disaster Relief Minister Duminda Dissanayake chuan chhiatna thlenga thi zinga a tam zawk hi ṭek tlak vanga thi an ni tih a sawi a, mi pakua tuiah an tlahlum bawk niin a sawi. District 21 zinga 21-ten harsatna hi tawkin, mi 45,000 chuang zet chu relief camp-ah an awm mek niin a sawi bawk.

Minister chuan ruahsur leh thli tleh hian chenna in 100 chuang a tichhia tih a sawi a, harsatna tawkte chhawmdawl leh chhanchhuah hna thawk tur hian sipai tirh an ni tih a sawi. Disaster Management Centre chuan hmun tam takah tuilian leh leiminin harsatna a thlen nasa hle niin an sawi a, district panga-te chu leitawlh nasa tak thleng thei nia sawiin inralring tura hriattir an ni.