Damdawi-inah George HW Bush dah

US President hlui George HW Bush chu Pathianni khan a blood pressure hniam vangin damdawi-inah dah a ni.

Kum 93 mi, President hlui Bush hian Parkinson disease veiin a hriselna dinhmun a ṭha tawh lo hle a, thla hmasa kha a nupui Barbara Bush-in a thihsan a, hemi hnu hian Houston damdawi-inah infection vangin ni 13 enkawl a lo ni tawh bawk. Pathianni khan Biddeford-a Southern Maine Health Care-ah dahluh a ni leh a, mahse amah hi a harh ṭha niin a thupuangtu Jim McGrath chuan a sawi.