Qatar-in UAE, Saudi aṭanga bungrua lakluh khap

Qatar chuan United Arab Emirates, Saudi Arabia, Egypt leh Bahrain aṭanga bungrua lakluh a khap. Heng ramte hian kum khat dawn kalta khan Qatar chu firfiakte thlawp ramah puhin hrekna Qatar bungrua lakluh an lo khap tawh a ni.

Qatar sorkar chuan thuchhuah siamin, an ram block-tu ramte thil siamte chu lakluh a nih dawn pawhin uluk taka enfiah phawt an ni ang tih a sawi. Ministry of Economy and Commerce chuan sumdawng leh dawrkaite pawh heng ram pali thil siamte chu zuar tawh lo turin a ti a, enfiah zel a ni dawn tih a sawi.

Ram pali-ten nikum June thlaa Qatar nena an inzawmna an tihtawp hnuah, Qatar hian ramdang aṭanga a bungraw lakluh ṭhin chu 40% zetin a thlahniam hman a ni. A bungrua lakluh tam zawk hi UAE kaltlanga a lakluh niin, ei tur lam chu Saudi ramri kaltlanga a lalut ṭhin. Mahse ram pali-ten an block hnuah bungraw lakluh dan kawng dang dapin, Turkey leh ramdang kaltlangin a lalut a, hei bakah hian ramchhungah thlai leh chaw lam chi tam zawk siamchhuah tumin beihpui a thlak bawk.