Turkey-in khaw­ thlang ram 10 palai-te hnawtchhuak dawn

Turkey president Tayyip Erdogan chuan foreign ministry hnenah an rama US leh ram dang pakua ambassador-te chu hnawtchhuak tura a hrilh thu Inrinni khan a sawi.

President Erdogan chuan heng ram dang palaite hian jail-a tang mek, philanthropist Osman Kavala chhuah tura an phut avangin an hnawtchhuak dawn tih a sawi. Hnawhchhuah tur zinga pasarih hi Turkey telna, NATO hnuaia a thawhpui ramte an ni.

Osman Kavala hi kum 2013-a Turkey rama nawrh huaihawtna hrang hrangah a bul tumtu leh, kum 2016-a sorkar paihthlak tumnaah pawh inhnamhnawihah Turkey sorkar chuan a puh a, jail-ah tangin a thubuai ngaihtuah mek a ni.

October 18 khan Canada, Denmark, France, Germany, the Netherlands, Norway, Sweden, Finland, New Zealand leh United States ambassador-te chuan thuchhuah inṭawm siamin, Kavala thubuai hi ngaihtuah fel thuai tur leh, a rang thei anga chhuah tura an phut thu an sawi a ni. An thuchhuah avang hian Turkey foreign ministry chuan palaite hi koin, an thiltih hi thil ṭul lo tak a nih thu pawh a lo hrilh tawh bawk.