Japan Prime Minister leh Trump inhmu dawn

30th May, 2018

Japan Prime Minister Shinzo Abe chuan June 12-a US President Donald Trump leh North Korea ram hotu Kim Jong-un ten meeting an neih hmain, President Trump nen hian an inhmu dawn tih a sawi.

Thawhṭanni zan khan Shinzo Abe leh Donald Trump te hi telephone-in an inbia a, inbiak hnuah inhmuh an remtih thu hi Abe chuan a sawi a ni. Abe chuan Trump hian NKorea-US summit neih tura atana inbuatsaihna leh hmasawn dante pawh a hrilh niin a sawi. Abe leh Trump hian kum tam tak liamtaa North Korea-a Japan mi rukbote chungchang pawh an sawidun a ni

Japan leh US chuan Trump leh Kim ten meeting an neih tur hi awmze nei leh hlawhtling taka neih a nih theihna atan theihtawp chhuah dun pawh an remti niin Japan PM chuan a sawi.