Israel Parliament-in Bahrain nena inremna siam pawm
US President Donald Trump hmalaknaa Israel leh Bahrain ramten inlaichinna siam tura inremna an siam chu Thawhlehni khan Israel Parliament, Knesset chuan a pawmpui.
Knesset-a vote laknaah inremna thlawp lamah vote 62 a tla a, a duh lo lamah vote 14 a tla thung.
October 18 khan Middle East ram pahnihte hian inzawmna siamna tur inremna hi an ziak a, Bahrain hi Arab ram zinga Israel thawhpuitu ram pathumna a ni. A hmain United Arab Emirates leh Sudan ramten Israel hi inremna an lo siampui tawh a ni.
Bahrain leh UAE-in Israel ram inzawmna an siampui hian Palestinian-te a ti lungawi lo hle thung a, ṭum eng emaw zat lungawi lohna pawh an lo lantir tawh a ni.
Knesset-a vote lak a nih hmain prime minister Benjamin Netanyahu chuan thu sawiin, Israel chuan ram tam zawkte inremna siampui zel a tum dawn tih a sawi.