Russian journalist Arkady Babchenko kaphlum

Russian journalist, President Vladimir Putin-a sawiseltu langsar tak Arkady Babchenko chu Ukraine khawpui, Kiev-ah kahhlum a ni.

Ukraine police-te chuan Thawhlehnni khan Arkady Babchenko hi a apartment-ah a a nupuiin silaia kah hliamin a hmu a, ambulance koin damdawi-in panpui a ni a, mahse kawng lakah a hliam tuar loin a thi niin an sawi. Kum 41 mi Babchenko hian a hnungah silai mu eng emaw zata kahna hliam a tuar a ni.

Police-te chuan Babchenko thah a nih dan hi a hnathawh nen inkaihhnawih thil nia an rin thu sawiin, chhui chian mek a ni tih an sawi.

Russia rama correspondent hriat lar ber zinga mi, Babchenko hian vauna a tawh ṭhin avang leh, jail-a tantir mai a hlauhthawn avangin kum 2017 February thla khan Russia chhuahsanin Ukraine hi a pan a ni. Kum 1990 chhoa Chechnya-a inlakhran duhtu leh sipai inbeih lai khan Russia sipaiah a ṭang a, a hnuah journalist a ni zui a ni. Hun rei tak chu military correspondent-ah a ṭang a ni.

Babchenko kahhlum a nih thu hriat a nih hian Russia rama politician leh official-te chuan Ukraine thuneitute chu journalist-te venghim zo loah puhin an sawisel zui nghal. Russia Foreign ministry chuan he tualthahna thleng hi rang tak leh langtlanga chhui tura Ukraine sorkar a phut thu a sawi a, a chhuinaah hian international organisation pawh tel tura an duh thu a sawi bawk.