Gaza-a Palestinian pawlten inkahhai puan an remti

Gaza Strip-a roreltu, Islamist Hamas movement chuan Gaza-a Palestinian armed group hrang hrangte chuan Israel-in a zawm ve dawn a nih chuan inkahhai puan an remti niin nimin khan a sawi.

Tun hnaiah Gaza Strip aṭanga rocket hmanga Israel beih a nih vangin Israel sipaiten Gaza-ah hian beihpui an thlak fo a, Thawhlehni pawh khan rocket leh laipui hmangin Gaza-a Hamas ho hmun eng emaw zat an kap a ni. Israel intelligence minister Israel Katz chuan inkahhai puan an remtih leh remtih loh chungchanga zawhna a chhannaah, Hamas ho kutah a innghat niin a sawi. 

Israel chuan indo a duh ngai lo a, mahse Hamas-te hian Israel an bei chhunzawm zel a nih chuan, an hma lak zel dan tur an sawi lawk thei lo tih a sawi.