Bahrain PM Prince Khalifa a thi

Bahrain prime minister Prince  Khalifa bin Salman Al Khalifa chu kum 84 mi niin US-a Mauo Clinic Hospital-ah nimin a khan a thi. 

Prince Khalifa hi kum 1971 aṭang khan Bahrain Prime Minister niin a thih thlengin he dinhmun hi a chelh a, khawvela PM ni rei ber a ni.  Kum 30 chuang chu Bahrain political leh economic affairs-a mi pawimawh tak a ni tawh bawk.  

August thla khan Khalifa hi ram pawn lamah a zinchhuak a, a zin chhan hi puangzar loin mimal thil vang niin a sawi. Kumin kumtir lam khan hun eng emaw chen chu damdawi lama inenkawlin Germany-ah a lo awm tawh bawk. 

Bahrain lal, King Sheikh Hamad bin Isa Al Khalifa chuan Prince Khalifa hi kar khat chhung sun a ni dawn tih sawiin, hemi chhung hian an  hnam puanzar chu a ngul chanveah zar a ni ang.