UN-in Myanmar hnenah test kit 75,000 pe tawh

United Nations chuan Myanmar hnenah Covid-19 test kit 75,000 chuang a pe tawh. 

UN agency, funds leh prog­ramme-te hian Myanmar sor­karin hri leng dona tura a hmalakna te chu an pui reng a ni. Hri darh tur venna atana pawimawh zingah a veite hriat chhuah hma a, a kaite nena inkaihhnawihna neite zawnchhuah leh khung hran nghal a ṭul avangin, test pawh a tam thei ang ber neih a ngai a ni. Hei vang hian UN chuan Myanmar sorkarin test tam zawk a neihsak theihna atan ṭanpuina hi a pe a ni. 

Myanmar rama Covid-19 kai hmasa ber hmuh a nih aṭang khan UN chuan a tam thei ang ber test an nih theihna turin puih dan a ngaihtuah nghal a ni. United Nations Office for Project Services (UNOPS) hnuaiah test kit 55,000 chu thawh hnihah pek an ni a, a hnuah United Nations Children’s Fund (UNICEF) chuan test kit 20,000 dang a pe leh bawk. 

Myanmar health ministry-in a tarlan danin, an ramah hian hri kai hi 248 awm tawhin, an zinga 159 chu enkawl dam an ni tawh a, mi parukin a thihpui tawh a ni.