NKorea-in SKorea nena an inkara inrawlh lo turin US chah

North Korea chuan kumina US-in inthlan a hmachhawn tura inthlanna tluang taka a neih theih nan, South Korea nena an inkar chungchang thilah inrawlh lo turin US a chah.

North Korea foreign ministry-a director-general for US affairs, Kwon Jong Gun chuan ram chhung thila US inrawlh lo turin a duh thu a sawi a, a lei chu veng ṭha turin a chah bawk. Hei bakah hian buaina nasa zawk a duh loh chuan NKorea chungchangah thu leh hla nei ve lo turin a duh thu a sawi a, anmahni ram chhung buaina chiah ngaihtuah turin Gun chuan a ti bawk.

Thawhlehni khan NKorea chuan South Korea nena an inbiakpawhna zawng zawng chu a titawp vek a, ram pahnih hruaituten an hman ṭhin hotline pawh a titawp tel a ni.