Sudan tualchhung buaina thlenga thi an pung

Sudan sipaiten sorkar thuneihna an hnehchhuh avanga mipui lungawi loten nawrh an huaihawtnaa buaina chhuaka thi chu an la pung zel a, mi pariatin nunna an chan tawh a, mi 170 velin hliam an tuar bawk.

Thawhṭanni khan sipaiten sorkar hi paihthlain prime minister Abdalla Hamdok pawh an man a, mahse PM hi an dahna hmun aṭanga chhuahin a chenna inah pawn chhuak thei loin an hreng mek a ni.

UN Security Council chuan civil sorkar din leh turin Sudan sipaite chu an nawr a, hetih lai hian ram chhung hmun hrang hrangah sipai sorkar duh lohna lantir hian nawrh huaihawt chhunzawm zel a ni, kawngpuite dangin motor kete an hal a ni. Sipaite chuan nawrh huaihawtte hnawhdarh nan hian tear gas leh rubber bullet-te an hmang. US president Joe Biden pawhin nawrh huaihawtte hi a thlawp thu a sawi.