N Korea official-in Pompeo hmu
North Korea official, Gen Kim Yong-chol chuan China aṭanga New York a thlen hnuah nimin khan US Sescretary of State Mike Pompeo nen meeting an nei. Gen Kim hi kum 20 chhunga NKorea official zinga US tlawhtu senior ber a ni.
Gen Kim leh Mike Pompeo hian June 12-a US President Donald Trump leh NKorea ram hotu Kim Jong-un ten meeting an neih tur chungchang an sawidun a, he summit hi President Trump chuan lo cancel tawh mah se tihpuitlin a ni theihna turin ram pahnihte hian hma an la zui leh nghal a ni. Trump-Kim meeting hi Singapore-ah neih a ni dawn a, hei hi US leh NKorea ram hruaitu ṭanglai ten meeting an neihna hmasa ber tur a ni ang.
Nilaini tlai khan hruaitu panhnihte hi UN headquarters bula bulding-ah a hran ve ve in an kal a, a hnuah Pompe cuan Kim nena zanriah tui tak a kil dun thu a twitter-ah a tarlang.
NKorea lam hian inbiakna neih tur tihfel a nih hnuah, Trump-a kaihhruai sorkara thuneitu ṭhenkhatten NKorea nuclear programme tihtawp chungchang Libya ram nena an tehkhin chu duh loin an sawisel let ve a ni. Libya ram hotu hlui Colonel Muammar Gaddafi hi a nuclear programme a tihtawp hnuah khawthlang ram thlawp helho kutah a thi a ni.
Trump-Kim meeting neih tur atana inbuatsaih nan hian NKorea vice foreign minister Choe Son-hui leh SKorea-a US ambassador hlui Sung Kim-te pawh Korea ramri Panmunjon khuaah an inbiak chhunzawm mek bawk. Hei bakah hian Singapore-ah US advance team tirh an ni bawk a ni.