North Korea hotuin Trump-a lehkha thawn

North Korea ram hotu, Kim Jong-un chuan US President Donald Trump lehkha a thawn a, he lehkhathawn hi US tlawha zin, NKorea official chuan President Trump hnenah nimin khan a pe.

Donald Trump leh Kim Jong-un ten June 12-a Singapore-a meeting an neih tum chu kar kalta Ningani khan Trump chuan a cancel thu a sawi a, mahse a tukah a rilru a thlak leh a ni. Meeting a cancel thu a sawi hian Trump chuan Kim chu meeting neih a duh nih chuan amah be tur emaw, ziaka hriattir tur emawin a ti a ni.

Nimin khan NKorea official Kim Yong Chol chuan White House-ah President Trump hi a hmu a, hei hi kum 2000 hnua NKorea official-in White House a tlawh lehna hmasa ber a ni. Kum 2000 khan khatihlaia US President Bill Clinton leh NKorea official Jo Myong Rok chu White House-ah hian inkawmin, Jo hian NKorea hotu Kim Jong Il-an clinton-a hnenah lehkha a thawn a lo kensak tawh bawk a ni.