Trump-an Dinesh D'Souza ngaidam

US President Donald Trump chuan kum 2014-a campaign finance law palzuta puha thiam loh chantir, consevative writer Dinesh D'Souza a ngaidam.

Kum 57 mi, D'Souza hian dan kalhin New York politician tan a campaign-na turin dollar 20,000 a pe a, amah ngei pawhin a thil tihsual hi a pawm a ni. Kum nga chhung hrem tura a ni. Mahse Ningani khan US President chuan sorkarin D'Souza chunga ro a rel dan chu a dik tawk lo nia sawiin a ngaihdam thu a hi a puang a ni.

White House thupuangtu Sarah Sanders-i chuan D'Souza hian a thil tih dik loah mawhphurhna lain, hremna pek pakhat citizenship diltu pemlutte zingah English zirtir hna pawh a thawk zo niin a sawi a, hei vang hian President pawhin ngaihdam hi a phu hle niin a ngai a ni, a ti. D'Souza hi President Trump-an mi a ngaihdam panga-na a ni a, a hmaa a lo ngaihdam tawh zingah Arizona Sheriff, Joe Arpaia leh President hlui George Bush-a hunlaia White House-a thawk Scooter Libby te pawh an tel.