Pakistan-in Musharraf-a passport leh bank account block dawn

Pakistan Interior Ministry chuan an ram President hlui Pervez Musharraf-a passport leh identity card chu block sak turin National Database and Registration Authority (Nadra) leh Directorate General of Immigration and Passports te a hriattir. Block a nih chuan Musharraf-a bank account-te pawh khawih chet theih loha hreksak a ni zui bawk ang.

Musharraf-an thuneihna a chan laia emergency a puan chungchanga ram phatsana puhna thubuai siamsak chu March 8 khan special court chuan ngaihtuahin, ministry hnenah hian Musharraf-a passport leh computerised national identity card (CNIC)-te tihtawp sak turin a lo ti tawh a ni. Court chuan ministry leh department dang hnenah pawh Musharraf-a man tur leh, ram pawn lama a thil neihte hreksak tura hma la turin a ti bawk a ni.