Spain PM thar Pedro Sanchez la lut

Spain Prime Minister thar aṭanga conservatist Mariona Rajoy paihthlak a nih hnuah, amah thlaktu atan socialist Pedro Sanchez chu kar kalta Inrinni khan lakluh a ni.

Spain lal King Felipe chuan PM thar Sanchez hi rinawmna thu tiamtirin a lalut. Sanchez hi Pathian awm ring lo, atheist a ni a, rinawmna thu a tiam pawh hian Bible a hmang lo a, Spain rama a thlen ṭum khatna a ni.

PM hlui Rajoy chu eirukna hrang hranga a hmingchhiat avangin Parliament-ah fiah niin, a paltlang zo lo a ni. Rajoy hi modern Spain-a prime minister

ṭanglai zinga no-confidence motion paltlang zo lo awmchhun a ni. Parliament-a vote lakah Rajoy hi a vote 11 in a tlang zo lo a ni.

Spain PM thar Pedro Sanchez hi kum 46 mi niin, photogenic economist leh basketball player hlui a ni. Rajoy-a term hman zawh loh, kum hnih chhung PM dinhmun hi a chelh thei dawn a ni. Sanchez chuan an rama eirukna umbo tura theihtawp chhuah a tum a, hei bakah hian a rang thei anga inthlan buatsaih a tiam bawk. PM thar hian tunkar chhungin a cabinet member turte a ruatfel beisei a ni.

Kar kalta Inrinni vek khan Catalonia reigonal sorkar thar pawh lakluh a ni. Catalonia sorkar thar hi din a nih mai theih loh avangin thla sarih zet chu Spain sorkar laipui rorelna hnuaiah a lo awm tawh a ni. Catalan President atan Quim Torra chu lakluh a ni. Torra chuan Catalan president aṭanga paihthlak Carles Puigdemont-a hnung zuiin, Spain aṭanga Catalonia independence a sual chhunzawm zel tur thu a sawi.