Ethiopia-in emergency a hlip dawn

Ethiopa cabinet chuan an rama thla ruk atana emergency an puan chu thla hnih hun la awm mah se tihtawp a rel.

Kumin February thlaa Hailemariam Desalegn-a prime minister aṭanga a ban hnua tualchhung buaina chhuak chho vangin thuneitu chuan dan leh thupek kenkawh a nih theih nan thla ruk chhung atan emergency hi an puang a ni.

Mahse kar kalta Inrinni khan cabinet meeting chuan emergency puan tihtawpna tur draft law hi a pawm a, he draft law hi Parliament-a ngaihtuah turin thawn leh a ni ang. Parliament session hi vawiinah neih rin a ni a, draft law thehluh hi a ngaihtuah nghal dawn a ni. Rorellai Ethiopian People's Revolutionary Democratic Front (EPRDF) ṭangrual member-te chuan emergency hlih hi an thlawp vek dawn a ni.