Israel leh Gaza inbei leh

Gaza Strip aṭanga Palestinian helpawlten Israel beihna atana rocket an kah chhuah avangin Israel chuan a chhang let nghal a, Gaza-a helho hmun eng emaw zat an kahchhiat sak.

Pathianni zinga Israel sipai thuchhuah chuan, fighter jet hmangin Gaza Strip-a Hamas firfiak military-te compound pathum beih a nih thu a sawi a, Hamas-ten silai mu an siamna leh dahṭhatna hmun te pawh an kap tel tih an sawi.

Israel sipaite chuan Gaza aṭanga rocket hmanga Israel beih anih vang leh, Hamas pawl huaihawta ramri bula firfiaka chetna thleng fo vanga bei let an nih thu an sawi. Ramri-a duty sipaite chu Palestinian lamin beih an tum fo tih sawiin, security infrastructure-te an tihchhiat bakah Israel ram chinte an hal niin a sawi.

Inrinni zan khan Palestinian firfiakten Israel chhim lam beihna atana missile pahnih an kahchhuah chu Iron Doem aerial defence system in pakhat lo kahthlak a ni a, pakhat zawk hian a tum fuh loin Gaza ram chinah a tla bawk. Nimin zing khan Israel beihnan pali kahchhuah leh a ni a, pathum hi lo kahthlak sak leh niin, pakhat erawh chu leiletah a tla niin Israel sipaiten an sawi.