Guatemala-ah tlang kang vangin mi 25 thi

Guatemala-a Feugo tlang kang nasa tak invawrh chhuak vangin mi 25 an thi a, midang 300 velin hliam an tuar.

Pathianni tlaia tlang kang hian a chhehvelah lung, vut leh lei sa nasa takin a vawrh chhuak a, sipaite chuan tlang kang thlenna hmun, Guatelema city chhimthlang lam km 70 vela hlaa Conred biala cheng mi 3,000 an chhanchhuak a ni.

President Jimmy Morales chuan Pathianni zan khan Congred headquarters a tlawh nghal a, hemi hnu hian cabinet meeting koin Chimaltenango, Sacatepequez leh Escuintla state-ahte emergency a puang nghal a ni.

Fuego tlang kangin vut sa a vawrh chhuah nasat avang hian Guatemala City-a La Aurora International Airport pawh khar a nghaih phah a ni. National Disaster Management Agency, Conred chuan tlang kang aṭanga lei/tui sa luang chhuak hian tlang bula Ed Rodeo khuaa in te pawh eng emaw zat a tichhia niin a sawi.

Pathianni tlaia tlang kang hi kum 1974 hnu lama Guatemala-a tlang kang a thlen nasat ber a ni.