Syria President-in NKorea a tlawh dawn

Syria President Bashar al-Assad chuan North Korea tlawh a tum niin NKorea state news agency chuan a tarlang.

Syria hi North Korea ram ṭhianṭha niin, chemical ralthuam siam kawngah pawh an thawkdun nia puh an ni a, mahse he puhna hi ram pahnihte chuan an pha ve ve a ni.

NKorea KCNA news agency chuan Syria President-in North Korea a tlawh tur thu leh, Kim Jong-un a hmuh tur thu a sawi chu a tichhuak a, mahse a hun erawh a siawlang lo. Assad chuan NKorea hotu Kim hian a thil tih tumah hlawhtlinna hmuin, Korea ram inpumkhatna ṭha tak a thlen ngei dawn niin a sawi bawk.

Kum 1966 aṭang khan Syria leh NKorea hian inzawmna an lo nei tawh tawh a, kum 1973 October thlaa Arab-Israel war lai pawh khan NKorea hian sipai leh ralthuamte pawh alo thawn tawh a ni. Kumin February thlaa UN report puturah NKorea hi kum 2012-2017 chhunga Syria rama chemical ralthuam siamna hmanrua chi hrang hrang lawng 40 zet hmanga thawnlutah puhna pawh a awm a ni.