Saudi Arabia-in hmeichhiate driving licence pe chhuak ṭan

Saudi Arabia chuan Thawhṭanni aṭang khan hmeichhiate hnenah driving licence a pechhuak ṭan ta.

Khawvel ram hrang hrang zinga hmeichhiate motor khalh khapna awmchhun ram, Saudi Arabia hian he khapna thupek hi June 24 aṭang hian a hlip tawh dawn a, a thawh khatna atan hmeichhe 10 hnenah licence hi a pechhuak ta a ni. Saudi Press Agency chuan licence pek hmeichhiate hi practical test neihtir phawt an nih thu a sawi. Saudi Crown Prince Mohammed chuan an rama khuahkhirhna hrang hrang siamte siamṭhat tumin hma ala mek a, hun rei tak cinema hall hawn khapna pawh a titawp tawh a ni.