China hnena thuruk hralh tuma puh sum chawi tir

US Defence Intelligence Agency officer hlui, Ron Rockwell Hansen chu China spy-te hnena US sorkar thuruk pawimawh hralh tuma puha man a nih hnuin, dollar 800,000 chawi tura hrem a ni.

Kar kalta Inrinni khan Syracuse, Utah mi Hansen hi man ani. FBI chuan Hansen-an Chinese intelligence agent-te a biak dan leh sum an inpek dan chungchangte hi kum li zet an lo chhui tawh a ni. Official-te chuan Inrinni khan China pan tur thlawhtheihnaa a chuang tur chu Seattle airport-ah man a ni tih a sawi.

Assistan Attorney General John C.Demers chuan Hansen hian national defence information chu People's Republic of China's intelligence services (PRCIS) hnenah hralh a tum a, China agent anga awmin sum pawh ṭhahnem tham tak a dawng a ni, a ti. Hansen chu US ram leh America mite phatsantu a ni, a ti.