Singapore-a Sensota island-ah Trump-Kim summit nei dawn

US President Donald Trump leh North Korea hotu Kim Jong-un ten June 12-a Singapore-a meeting an neihna hmun atan Sensota thliarkara Capella Hotel chu thlan anih thu White House chuan a sawi.

Trump-Kim meeting neih tur hi North Korea ram hotu leh US president ṭanglai ten meeting an neihna hmasa ber tur a ni.

Donald Trump chuan meeting neih tur atana inbuatsaihna chu a kal tluang zel tih a sawi a, ram pahnihte tana thil pawimawh tak a ni tih a sawi bawk.

Meeting neihna tur hmun atana thlan, Sensota island hi Singapore thliarkar 63 zinga pakhat niin, hectare 500-a zau a ni a, thliarkar lian ber aṭanga hnai te niin luxury resort, private marinas leh gold club te a awm a ni. Thliarkara cheng zinga a tam zawk hi Malay, Chinese leh Bugis an ni.