Gautemala tlang kang ; Chin hriat lohin mi 200 awm

Guatemala rama Pathianni-a Fuego tlang kang vanga thi chu mi 75 an tling tawh a, chin hriat lohin mi 200 vel an awm mek bawk niin official-te chuan an sawi.

Fueguo tlang bul ṭhuta thingtlang khuate hi tlang kangin vut leh chirh sa a vawrhchhuahin a khuh a ni. Chhanchhuah hna thawh ni mah se, tlang aṭang hian gas sa leh lung te a vawrh chhuah leh avangin hna thawh a tikhaihlak a ni.

Tlang kang hian mi maktaduai 1.7 chuang zet a nghawng a, an zinga mi 3,000 chuang chu hmun him lamah sawnchhuah an ni tawh.

National Institute of Seismology hotu Eddy Sanchez chuan tlang kang aṭanga vut sa vawrh chhuah hi km 10 ( feet 33,000) a sang thlengin a invawrh chhuak niin a sawi. Guatemala disaster prevention agency director Sergio Cabanas chuan tualchhung mite chuan chhiatna thlen palh thulha chet lak dan tur training-te pawh pek an ni ṭhin tih a sawi a, mahse Pathianni-a tlang kang hi a thlen ran em avangin engmah an ti hman lo niin a sawi.