Egypt PM a bang

Egypt President term hnihna chelh tura Abdel-Fattah el-Sissi lakluh a nih aṭanga ni thum hnuah Prime Minister Sherif Ismail chuan banna a thehlut.

PM-in banna a thehluh hi politics-a an kalphung a ni a, term thar chelh tura president lakluh a nih hnuah sorkar chuan banna a thehlut ṭhin a ni. President El-Sisi leh Ismail te hi inpawh leh ṭha taka thawkdun reng ṭhin niin, president hian a prime minister hi vantlang hmaah pawh a lo fak fo tawh a ni. PM-in banna a thehluh thu hi president thupuangtu Bassam Radi chuan a puang a, President hian a banna hi pawmsak nghal mah se sorkar thar siam a nih hma chuan PM hna hi lo chelh chhunzawm rih turin a ngen a ni.