Japan inthlanah PM Fumio Kishida party chak

Japan ram parliament inthlan Pathiannia neihah khan prime minister Fumio Kishida kaihhruai Liberal Democratic Party (LDP) leh an thawhpui Komeito-te chuan hnehna an chang.

Kishida LDP-te hian lower house seat 465 awmnaah seat 259 lai an la a, chiang takin majority chang nghalin an thawhpui Komeito chuan seat 32 an la ve bawk. Komeito tel lo pawh hian LDP hian sorkarna an siam thei a ni.

Chiang takin hnehna chang mah se LDP hian seat 17 lai an hloh ve tho a, inthlan hma khan seat 276 an nei sa a ni. Pathianni inthlanah khan Komeito leh LDP ṭangrual hian Japan lower house-ah seat 291 an la.