Houthi-te'n missile hmangin mosque an bei

Houthi helte chuan Pathainni khan missile hmangin Yemen-a mosque leh school an bei a, mi eng emaw zat an thi.

Yemen Minister of Information, Culture and Tourism Muammar Al-Eryani chuan nimin khan thuchhuah siamin Houthi helte chuan Marib province-a mosque leh sakhaw school ballistic missile pahnih hmangin an bei tih a sawi a, thi leh hliam 29 lai an awm tih leh chung zingah chuan naupang leh hmeichhiate pawh an tel tih a sawi.

Marib governor office chuan inbeihna hi Pathiannia thleng kha a ni tih an tarlang a, Houthi lam erawh chuan an tih ngei a nih thu an la sawi lo.

Yemen sorkar leh Houthi-te hi tunhnai thla eng emaw zat chhung chu an inbei tawh a, United Nations chuan September thla chhung ringawt khan Marib-a inbeihna thleng vangin mi sing chuang chu hmun him lamah sawn chhuah an ni tawh tih an sawi.

Inrinni pawh khan Yemen khawpui lailawk Aden bula airport-ah car bomb a puak a, mi 12 lai an thi bawk,

Prime minister Mueen Abdulmalek Saeed chuan hei pawh hi firfiakte thiltih a nih thu sawiin, eng pawl mahin an tih a nih thu an la sawi lo thung.