China-in thlasik lo thleng tur atan mamawh inchhek khawl turin ngen

China sorkar chuan thlasika ruahsurin thlai tharte a tichhiat ṭhin vanga chawhmeh man sang leh thlai indaih lohna thleng ṭhin avangin, an ram mipuite chu hemi atan hian lo inveng lawk a, nitin mamawh lo inchhek khawl ṭan turin chhungkaw tin hnenah ngenna a tichhuak.

Commerce Ministry chuan Thawhṭanni khan thuchhuah siamin, tualchhung thuneitute chu supply ṭha tak leh thil man uchuak taka a san lohnan an hnate ṭha taka thawk tura ngenin, supply lamah harsatna an neih chuan a rang thei ang bera inhrilh lawk ṭhin turin thurawn an pe.

China rama an hunpuite zinga pawimawh ber nakkum February thlaa Lunar New Year an hman hmain sorkar chuan awmze mumal tak neia thlai tharlam leh vawksa supply a awm theihna turin theihtawp a chhuah a ni.

Hripui leng vangin ei tur lama harsatna a thlen palh hlauhthawnna pawh a awm a, hei vang hian sorkar chuan food security law a duan bakah, ei tur khawhralte tihtlem a nih theihna turin hmakna thar turte a siam bawk.

Commerce Ministry hian tualchhunga thuneitute chu thlai chhek khawl theih chi te chu a hmaa lo vawng ṭha lawk tur leh thlai semchhuahna lam pawh mumal leh rintlak tak a awm theihna tura thuam chak turin a ti.