London hotel-ah kangmei chhuak

Britain khawpui, London-a Knightsbridge-a Mandarin Oriental Hotel-ah Nilaini khan kangmei nasa tak a chhuak a, kangṭhelh motor 20 leh kangṭhelhtu 120-ten a ṭhelh hna an thawk.

Kangmei chhuahna hotel hi chhawng 12-a sang niin, kangmei chhuah chhan tak hi hriat chian ala ni lo. Hotel-a awmte hi thiarchhuah vek an ni a, thi leh hliam an awm hriat a ni lo. Hotel awmna bul, Scotch Corner leh Hyder Park Corner bul kawngte khar nghal a ni bawk.

Madarin Oriental Hotel hi Edwardian style building niin kum 1902-a sak a ni a, kum 1996 kha Madarin Oriental hian a lei a, hotel-ah hian room leh suite 198 a awm a ni.