Spain cabinet tharah hmeichhia tam zawk

Spain Prime Minister thar Pedro Sanchez chuan a cabinet member thar lalutin, cabinet post 17 zinga 11 chu hmeichhia in an chang a ni.

Cabinet minister zingah hmeichhiate hian chanvo pawimawh–defence, economy, finance leh education-te an chang bawk. Ex-astronaut Pedro Duque chu science minister atan dah a ni. Self-styled feminist, Sanchez-a cabinet thar hi 'feminist cabinet' tiin an sawi a ni.

Television-a thu a sawiah, PM Sanchez chuan a cabinet chu Spain ram inthlak danglamna lantirna a ni tih sawiin, sorkar hmasa nena khaikhinin Spanish society-a thil thar lanna a ni, a ti. A minister-te chu Spain society tihhmasawnna tura hmathlir a neihte ṭawmpuitu an nih thu a sawi.

Spain sorkar thara cabinet member hi Sanchez tel hian mi 18 niin, hmeichhe awm zat hi 61.1% a tling a, an ram chanchina cabinet member-ah hmeichhia an la tam ber ṭum a ni. Ram dang zingah hian cabinet member-a hmeichhia 50% an tlinna hi tlemte chauh a la awm a, France, Sweden leh Canada-te an ni.