Sudan-in North Korea nena inremna titawp

Sudan chuan North Korea nena contract an neih chu a titawp tih a sawi a, hei bakah hian UN Security Council-in NKorea hrekna a siam a taka kalpui turin committee pawh a din thu a sawi.

Sudan foreign ministry chuan NKorea nena inremna tihtawp a nih thu hi sawiin, Sudan defence manufacturer-te chuan contract an neihte an tihtawp vek a, hei baka hian midang kaltlanga thawhdunna an lo siamte pawh an titawp bawk a ni, a ti.

US chuan NKorea nena inzawmna an neihte titawp turin Sudan hi a nawr a, Sudan leh NKorea hian palai intir tawn lo mah se, defence contract erawh an siam a ni. US chuan kum rei tak chhung Sudan ram hrekna a lo siam tawh chu nikum October khan a hlip a, mahse Iran, NKorea leh Syria te nen firfiak thlawp ram list-ah a la telh chhunzawm tho a ni.