Saudi leh UAE-in joint project 60 siam dawn

Saudi Arabia leh United Arab Emirates (UAE) chuan thawhdunna turn inremna 20 ziakin, joint project 60 an siam dawn tih an sawi.

Ram pahnihten thawhdunna tur an siam hnuaia council din thar chuan Saudi Crown Prince Mohammed bin Salman leh Abu Dhabi Crown Prince Sheikh Mohammed bin Zayed Al Nahyan-te kaihhruaiin Nilaini zan khan meeting hmasa ber a nei a ni.

Joint project 60 an siamte hi ram pahnihte thawhdunna tihchakna tur leh, Gulf Cooperation Council (GCC) system puihna tur a ni. Ram pahnihte hian industrial sector-a small and medium enterprise tan joint investment fund siam an remti bawk. Security leh military lama thawhdunna tura an siamah ammunition, light weapon, vehicle, electronic shooting system siamna tur bakah, foreign military assistance leh military system maintenance lama thawhdunna turte pawh a tel a ni.