IMF-in Argentina hnenah loan dollar tld 50 pe dawn

International Monetary Fund (IMF) chuan Argentina in a ram sum dinhmun siamṭhatna tura a hmalakna atan loan dollar tluklehdingawn 50 a puktir dawn.

Argentina hian kum eng emaw chen chu sum lamah harsatna a tawk tawh a, an ram sum dinhmunin hniam lam a pan zel avangin May 8 khan IMF puihna hi a dil ta a ni. Hetih lai hian President Mauricio Marci-an IMF puihna a ngen hi an ram mipui tam tak chuan an sawisel thung. Mi ṭhenkhat chuan kum 2001-a Argentina economy tlakchhiat chhan chu IMF in sum lama a puih duh loh vang niin an ngai a ni.

President Marci chaun IMF aṭanga loan an lak chuan sorkarin hmasawnna tura a hmalaknate a tihchak phah dawk tih a sawi a, tunhma lama sum indaih loh vanga buaina an tawh ang ṭhin te chu an pumpelh thei tawh dawn niin a sawi.

IMF Managing Director Christine Lagard chuan Argentina nena inremna an siam thei ta chu lawmawm a tih thu a sawi a, Argentina sorkar chuan an ram sum dinhmun siamṭha a, mipuite an hlawkpui ṭheuh theihna tur ruahmanna a siam a ni, a ti. Argentina sorkar hmalak tumnaa an pui thei chu lawmawm a tih thu a sawi bawk.