China aṭangin America mi eng emaw zat lachhuak

US State Department chuan Ghuangzhou-a consulate-a thil ri danglam tak hriat hnua hnathawktu ṭhenkhatten natna mak tak a neih avangin China ṭangin America mi eng emaw a lachhuak.

Consulate-a thawk leh an chhungten thil ri danglam tak an hriat hmasak ber hi thla hmasaa thleng kha nin, US chuan enfiah turin medical team pawh a tir tawh a ni. State Department chuan he thawm hretu mi eng emaw zat chu US-ah a hruai haw tawh niin department thupuangtu Heather Nauert-i chuan a sawi. Heng mite hi enfiah an ni dawn a ni.

May 23 khan Guangdzhou consulate-a thawk pakhatin ri danglam tak a hria a, a hnuah thluak natna a nei zui a ni. Hetiang ang bawk hi nikum khan Cuba khawpui, Havana-a US Embassy-a thawk America mi 24 te chuan an lo tawng tawh bawk. FBI te chuan hemi chungchang hi kum khat chuang chhui tawh mah se, a chhan tak an la hre thei lo a ni.