Tangte chhuah turin phût

US president Joe Biden leh Indonesia president Joko Widodo-te chuan Myanmar sipaite chu an mi mante chhuah tur leh, tharum thawhna thlengte titawp turin a phut.

Glasgow, Scotland-a UN climate conference kar lakah ram pahnih hruaitute hian meeting neiin, Myanmar ram dinhmunte hi an sawidun a ni. Sipai rorelna tihtawp a, democracy tungding leh tura an phut thute an sawi bawk.

White House chuan ASEAN-in Myanmar sipaite chet dan duh lo a, summit-a an telh ve lo chu President Biden chuan a thlawp thu a tarlang. Hemi hma hian US sorkar Myanmar sipaite'n Kristian biak in leh chenna in tam tak tichhiaa an halsak chu an dem thu a lo sawi tawh bawk a ni.

US state department chuan, "Ram mipuite chunga sipaite chet dan rawng tak te, an chenna in leh sakhaw hmun pawimawhte an khawihsak, mipuite ṭhatna tur ngaihtuah loa zah lo taka an chunga an chetna chu kan dem takzet a ni," a ti. Hetiang thil thleng vang hian ram dangte inrawlh thuai a ṭul thu a tarlang bawk.