COP26: Ram leh pawl 190-in lungalhthei hman tihtawp intiam

Glasgow, Scotland-a COP26 climate summit neih zawh takah ram leh pawl 190-te chuan lungalhthei hman tihtawp an intiam. Lungalhthei hi climate change thlentu lian ber a ni.

Lungalhthei hman tihtawp intiam zingah hian UK bakah a hmang nasa ram Poland, Vietnam leh Chile pawh an tel. Mahse lungalhthei hmang nasa zual zingah Australia, India, China leh US-te erawh chuan intiamkamnaah hian hming an ziak ve lo thung.

Intiamtu ram leh pawlte hian ram chhung leh ram pawn lama coal power-a investment tihte chu tihtawp vek an remti a ni. Hei bakah hian kum 2030 chhoah ram lianah coal power hman tihtawp chhoh a, kum 2040-ah chuan ram rethei lam pawhin tihtawp an remti bawk a ni.

UK business and energy secretary Kwasi Kwarteng chuan lungalhthei hman ṭhin chu a tawp hnai tawh a, khawvel chuan kawng dik lam a zawh chho mek a ni, a ti.