Covid-19 chungchang report vanga man Journalist Zhan dinhmuna a ṭha lo hle

China rama Wuhan khawpuia Covid-19 hri leng leh China sorkar hmalak dan a ziah avanga man, Chinese journalist Zhang Zhan chu a dinhmun a ṭha lo hle. Hei vang hian rights group hrang hrang chuan chhuah turin China sorkar an nawr thar leh.

Kum 38 mi, lawyer hlui Zhang Zhan hi kum 2020 February thla khan Covid-19 hri hmuhchhuah ṭanna, Wuhan khawpuia kalin report a ziak a, hri leng chungchanga thuneitute hma lak dante pawh a sawisel a ni.

Kum 2020 May thla khan man niin, hemi kum December thla khan thuneitute tibuai leh harsatna siamsakah puhin kum li tang turin hrem a ni. Jail-a dah a nih hnuah Zhan hian chhuah phutin chaw a nghei a, a hnar aṭangin tube hmangin ei tur pek luih a ni. Mahse a dinhmun hi a ṭha lo chho hle a, midang puihna lo chuan a kal theih tawh bakah a lu pawh a kan peih tawh lo nia sawi a ni.

Wuhan-a hri leng chungchang report vang hian Zhang bakah journalist dang - Chen Quishi, Fang Bin leh Li Zehua-te pawh an ni bawk.