Japan sorkarin kum 18 hnuai lam fa neite Chhawmdawlna pawisa fai a pe dawn

Japan sorkar chuan naupang kum 18 hnuai lam awmna chhungkuate chu chhawmdawlna, pawisa faiin a pe dawn a, hemi atana hian an ram pawisa yen trillion hnih, USD tluklehdingawn 18 vel a seng dawn.

Sorkarin ruahmanna a siamah, eng ang chhungkua pawh ni se, naupang kum 18 hnuai lam awmna chu naupang pakhatah chhawmdawlna yen 1,00,000 (USD 65,000) zel a pe dawn a ni. He chhawmdawlna hi nakkum nipuiah pek chhuah hman a tum.

Prime minister thar Fumio Kishida kaihhruai sorkar chuan sum lalut tlem chhungkua leh hna nghet nei lote pawh pawisa faia ṭanpuina pek dan tur a ngaihtuah dawn bawk. Kishida chuan kumin chhunga Parliament-in a pass hman turin tun thla chhung hian stimulus package tam tham tak siam a tiam bawk.